O alumnado de 4º de Educación Infantil segue avanzando, pasiño a pasiño e con moita curiosidade, nas súas actividades dentro do proxecto sobre a meteoroloxía que ten o centro.. Nesta ocasión, continúan aprendendo a través dunha actividade moi especial: unha canción que cantan coa axuda da súa profesora.
A música convértese así nunha ferramenta perfecta para aprender mentres se divirten. Cantando e repetindo a letra, os nenos e nenas van familiarizándose con diferentes elementos do tempo atmosférico.
Ademais, seguen observando atentamente todo o que sucede no ceo. Pouco a pouco comezan a identificar e nomear distintos fenómenos meteorolóxicos, entendendo que é cada un deles: as nubes, o arco da vella, a chuvia e moitas outras cousas que forman parte do noso día a día. Afondamos os coñecementos cada vez que traballamos a asamblea, observando o que acontece a través das ventás da nosa clase.
A verdade é que son auténticas esponxas de coñecemento. Cada nova actividade é unha oportunidade para descubrir algo máis do mundo que os rodea, e fano sempre cunha actitude moi positiva e cun gran espírito de seguir aprendendo.
No hay comentarios:
Publicar un comentario