O alumnado de 1º e 2º da ESO visita as instalacións de MeteoGalicia en Santiago. Para iso, desplazámonos ata as súas instalacións da Rúa Roma en Santiago de Compostela, para coñecer de primeira man o traballo dos meteorólogos, as variables que rexistran e o funcionamento computerizado.
Puidemos observar de primeira man, como funciona un globo sonda e o rexistro de datos que se pode sacar da viaxe do globo, ver os datos integrados no superordenador e que logo permite sacar modelos que axudan aos meteorólogos a facer predicións.
Así mesmo, tamén puidemos disfrutar dunha charla onde nos explicaron as variables meteorolóxicas, os seus aparatos de medida e a importancia que ten que se creen mais estacións meteorolóxicas para ter máis datos e poder dar modelos máis exactos.
Despois de rematar a visita, aproveitamos para facer unha visita pola zona histórica do casco vello, pero na mente dos nosos alumnos seguían a ferver ideas, modelos e previsións meteorolóxicas.
Foi sen dúbida unha experiencia marabillosa.
No hay comentarios:
Publicar un comentario