Continuamos a traballar coa estación meteorolóxica do centro. Aínda que o alumnado amosa unha boa motivación, é necesario lembrar a importancia de seguir correctamente o procedemento de medición. O rigor na recollida de datos é fundamental, xa que permite obter observacións fiables e extraer conclusións útiles para futuros traballos.
O alumnado encargado destas tarefas é o grupo de 2º da ESO, que, organizado en parellas, se encarga ao longo da semana de realizar as diferentes medicións.
Cómpre sinalar que durante o mes de marzo producíronse algúns esquecementos por parte das parellas responsables. Debido á coincidencia con períodos de exames, foi necesario facer cambios na organización das quendas, o que xerou certa confusión e, nalgúns casos, provocou que a estación meteorolóxica quedase sen revisar. Esta situación pon de manifesto a importancia de manter unha boa coordinación e, sobre todo, de actuar con responsabilidade e rigor nas medicións.
No hay comentarios:
Publicar un comentario