Continuamos a traballar coa estación meteorolóxica do centro, mantendo o compromiso coa recollida sistemática de datos. O alumnado de 2º da ESO, organizado en parellas, encargouse de realizar as medicións ao longo de todo o mes, seguindo o procedemento establecido de maneira axeitada.
Durante o mes de abril, as medicións leváronse a cabo con normalidade e sen incidencias, o que permitiu obter un conxunto de datos completo e fiable. Porén, cómpre salientar que se rexistraron valores de temperatura máis elevados do habitual para esta época do ano na nosa contorna.
Esta situación deu lugar a un proceso de reflexión na aula, no que o alumnado analizou estes rexistros e valorou a súa posible relación co cambio climático. Deste xeito, ademais de recoller datos, fomentouse unha actitude crítica e consciente fronte aos cambios ambientais que estamos a vivir.
No hay comentarios:
Publicar un comentario